Fitch: дэфіцыт дзяржбюджэту Беларусі ў 2020 годзе дасягне 3,4% ВУП, а ў 2021-м — 4,3%

Fitch прагназуе, што скарэктаваны дэфіцыт бюджэту пашыранага ўрада Беларусі (кансалідаванага бюджэту і дзяржаўных пазабюджэтных фондаў) дасягне 3,4% ВУП у 2020 годзе (супраць прафіцыту 1,6% у 2019 годзе).

Гэта адлюстроўвае дэфіцыт у памеры 2,6% ВУП афіцыйна абвешчанага кансалідаванага бюджэту і больш нізкія, чым чакалася раней, капітальныя выдаткі на атамную электрастанцыю (1,3% ВУП супраць першапачаткова закладзеных у бюджэт 3,2%), а таксама чыстыя пазабюджэтныя выдаткі (мінус 0,5% ВУП), якія адлюстроўваюць выплаты дзяржаўнай запазычанасці перад дзяржавай, уключаючы выкананне некаторых гарантый, паведамляе officelife.

Бюджэт на 2021 год знаходзіцца ў стадыі падрыхтоўкі, і не паступіў нават у Палату прадстаўнікоў. Рэйтынгавае агенцтва прагназуе, што скарэктаваны дэфіцыт пашыранага ўрада павялічыцца да 4,3% ВУП у 2021 годзе, паколькі чакаецца больш паступовая бюджэтная кансалідацыя са скарачэннем афіцыйна заяўленага дэфіцыту кансалідаванага бюджэту да 2,1% ВУП.

Fitch прагназуе рост доўгу Беларусі да 53,8% ВУП да 2022 года, што будзе па-ранейшаму ніжэй медыяннага значэння для краін з рэйтынгамі катэгорыі «B» (71%). Тым не менш, дынаміка беларускага доўгу высокая і ўразлівая да ваганняў валютных курсаў з-за вялікай долі доўгу ў замежнай валюце (91%).