У Беларусі на 60 капеек павышаюць адпускную цану на цукар

У Беларусі павышаюць адпускны кошт цукру на 60 капеек за кілаграм, пра гэта паведамляе прэс-служба канцэрна «Белдзяржхарчпрам».

Паводле слоў старшыні «Белдзяржхарчпрама» Алега Жыдкова, такое рашэнне было прынята з мэтай абароны ўнутранага рынку на фоне высокага попыту на цукар.

«Сёння мы адзначаем значны рост попыту на цукар: калі ў студзені-сакавіку 2021 года на душу насельніцтва прадавалася 1-1,5 пачкі цукру ў месяц, то ў сакавіку гэтага года на аднаго чалавека з паліц крамы сыходзіла парадку ўжо 3 кг цукру. І гэта мы бярэм у разлік не толькі дарослае насельніцтва, але і дзяцей самага ранняга ўзросту. Зразумела, што адзін чалавек не можа спажываць цукар у такіх аб'ёмах», — заявіў Жыдкоў.

Нагадаем, у сакавіку кіраўнік «Белдзяржхарчпрама» заяўляў, што Беларусь забяспечаная цукрам і соллю на 150 %.

Паводле reform.news.