У ЕС зноў затрымліваюць буйныя партыі беларускіх цыгарэт. У Польшчы — адразу на 2,3 млн даляраў

Буйную партыю беларускіх цыгарэт затрымалі ў Польшчы. Яны перавозіліся на фуры, якая ехала з Літвы.

Польскія мытнікі і памежнікі спынілі фуру ў Беластоцкім павеце. Пры праверцы высветлілася, што за некалькімі драўлянымі палетамі знаходзяцца каробкі з цыгарэтамі. Усяго было канфіскавана амаль 700 тысяч пачкаў цыгарэт з беларускімі акцызнымі маркамі. Іх кошт ацэньваецца ў больш за 10 млн злотых (2,3 млн даляраў), паведамляе памежная ахова Польшчы.

Кіроўцу, 39-гадовага грамадзяніна Польшчы, арыштавалі на тры месяцы. Пачата расследаванне.

Беларускія цыгарэты знайшлі таксама ў вагонах з вугалем і пелетамі у Літве

На станцыі Кяна на беларуска-літоўскай мяжы больш за 100 тысяч пачкаў цыгарэт з беларускімі акцызнымі маркамі выявілі ў вагонах з вуглём і паліўнымі пелетамі, паведамляе крымінальная мытня Літвы.

Паводле reform.news.