Украіна аднаўляе імпарт электраэнергіі з Беларусі 21 лістапада — сайт ENTSO-E

Імпарт электраэнергіі з Беларусі пасля спынення паставак на 18–20 лістапада плануецца на 21 лістапада, сведчаць звесткі на сайце ENTSO-E.

Паводле даных на сайце, якія абнаўляюцца за некалькі гадзін да пастаўкі, на ўсе гадзіны сутак нядзелі імпарт плануецца аб'ёмам 415 МВт кожную гадзіну, як гэта было з 9 па 17 лістапада. Сутачны аб'ём імпарту складае каля 2% спажывання э/э.

Напярэдадні Мінэнерга Беларусі паведаміла, што рэспубліка з 18 лістапада спыніць нядаўна адноўленыя пастаўкі электраэнергіі ва Украіну.

Перад гэтым быў адключаны ад сеткі ў сувязі са спрацоўваннем сістэмы аўтаматычнай абароны энергаблок нумар 1 БелАЭС.

19 лістапада ў 14.04 ён быў уключаны ў сетку.

Імпарт электраэнергіі ва Украіну з Беларусі пасля адмовы НКРЭКУ падаўжаць з 1 лістапада забарону на яго аднавілася 6 лістапада з 5 МВт кожную гадзіну, 7 лістапада пастаўлена па 15 МВт на 4 гадзіны, 8 лістапада — 400 МВт кожную гадзіну. З 9 па 17 лістапада э/э з Беларусі ажыццяўлялася па 415 МВт кожную гадзіну. Асноўным пастаўшчыком э/э называлася кампанія «ТЭТ Груп» Віталя Бутэнкі.

interfax.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: