10,5 гадоў на ўсіх. Каго з беларусаў днямі асудзілі да «хатняй хіміі»
Гэтак званая «хатняя хімія» стала адным з самых распаўсюджаных пакаранняў за леташнюю і сёлетнюю пратэстную актыўнасць беларусаў. Пра чарговыя прысуда распавяла «Вясна».
Тры гады «хатняй хіміі» прысудзілі мужчыне за
СМС-паведамленні з пагрозамі.
Сёння агучылі прысуд па крымінальнай справе ў дачыненні да Дзмітрыя Лекамцава, якога вінавацілі ў пагрозе прымянення гвалту ў дачыненні да супрацоўніка міліцыі (арт. 364 КК) — мужчына напісаў некалькі СМС супрацоўніку Рагачоўскага РАУС, начальніку ІЧУ горада Сяргею Сямёнаву.
З матэрыялаў справы стала зразумела, што паведамленні былі
наступнага зместу:
«Што засц*ў
камунікаваць? Табе звоняць з арганізацыі ветэранаў, спецпадраздзялення памежных
войскаў СССР. Гатоўся поскудзь, час надыйшоў: ці суд, ці знішчэнне. І бойся за
сваю сям’ю і родных. Каму ты пагражаў і як адносіўся, так будзе і з табой»;
«Крыса, што маўчыш? Язык
у ж*пе, пачвара ментаўская… <неразборліва>»;
«Лукашэнка не будзе, а
вы — поскудзь, за ўсё будзеце адказваць і не толькі, а вашыя родныя і блізкія.
Поскудзь, якую выхавалі».
Пасля атрымання гэтых СМС міліцыянт «баяўся за сябе і сваіх родных».
У Жлобіне траіх хлопцаў асудзілі на два гады «хатняй хіміі» кожнага за падзеі 9-10 жніўня.
22-гадовага Яўгена Пархамовіча, 20-гадовага Іллю Сычэвіча і
22-гадовага Максіма Белашыцкага вінавацілі ў актыўным удзеле ў групавых
дзеяннях, што груба парушалі грамадскі парадак ў ноч з 9 на 10 жніўня 2020 года
(ч. 1 арт. 342 КК) — нібыта хлопцы «стаялі ў счэпцы, перашкаджалі руху
грамадскага і іншага транспарту, пляскалі ў далоні, гучна крычалі, свісцелі,
выкрыквалі розныя лозунгі».
20 жніўня да года і шасці месяцаў «хатняй хіміі» асудзілі
44-гадовага Арцёма Яршова, дырэктара адной з беларускіх фірмаў. Яго абвінавацілі
ў размяшчэнні ўлётак з наступальным мясцінам:
«Паважаныя жыхары! У нашым доме пражывае адзін з
ланцужных сабак рэжыму, Рыбак Юрый Якаўлевіч. Бандыт аказвае ціск на
спартсменаў, якія адважыліся казаць праўду пра гвалт і беззаконне, якія
запанавалі ў нашай краіне».
Экспертыза пастанавіла, што ў тэксце маецца негатыўная ацэнка Рыбака.