Ад 18 да 20 гадоў. Абвешчаны прысуд пра справе анархістаў

Ігара Аліневіча, Дзмітрыя Дубоўскага, Дзмітрыя Рэзановіча і Сяргея Раманава прызналі вінаватымі ў акце тэрарызму, незаконным абароце зброі і яе перамяшчэнні праз мяжу.

«Наша Ніва» прыводзіць выракі:

Ігар Аліневіч — 20 гадоў

Дзмітрый Дубоўскі — 18 гадоў

Дзмітрый Рэзановіч — 19 гадоў

Сяргей Раманаў — 20 гадоў

Сам суд праходзіў у закрытым рэжыме з прычыны «абароны персанальных дадзеных пацярпелых». Фігуранты ўключаны КДБ у спіс асоб, датычных да тэрарыстычнай дзейнасці.

Анархісты былі затрыманыя ў ноч з 28 на 29 кастрычніка мінулага года.Прысуд не канчатковы і можа быць абскарджаны на працягу 10 дзён. Вядома, што амаль ніхто з абвінавачаных не браў удзел у судовым разглядзе, калі амаль ад пачатку працэс зрабілі закрытым.