Актывістка, якая адмовілася вітаць Лукашэнку, адвезла падарункі дзецям украінскага Данбаса

Наталля Гарачка арганізавала гуманітарную акцыю ў прыфрантавой зоне.



charter97.org

Пра гэта яна напісала на сваёй старонцы ў «Фэйсбуку».

“На 20 даляраў і трыста тысяч, а таксама на мае 150 даляраў, купілі тушонкі, пірожных і печыва. Курэй для супу ўкраінскія аптавікі нам дарам аддалі, калі даведаліся, што я з Беларусі прыехала, каб купіць дзецям з Гранітнай паесці. Рэчы і абутак таксама перадала”, — піша Наталля.

Валанцёр працягвае збіраць грошы на дапамогу дзецям з украінскага Данбаса. Жадаючыя могуць звязацца з ёй і перадаць для жыхароў Гранітнага і Мірнага вопратку ці грошы, на якія будзе набытая ежа.

Наталля Гарачка стала вядомай у інтэрнэце, калі, будучы назіральнікам падчас апошніх прэзідэнцкіх выбараў, не ўстала і не павітала Аляксандра Лукашэнка, які галасаваў на ўчастку №1. Паводле яе слоў, тым самым яна паказала стаўленне людзей да “кіраўніка”.

Паводле: Хартыя 97