Актывістку незалежнага прафсаюза Зінаіду Міхнюк будуць судзіць 18 траўня
Палітзняволеную актывістку незалежнага прафсаюзу РЭП Зінаіду Міхнюк пачнуць судзіць 18 траўня.
Справу Зінаіды Міхнюк будзе разглядаць суддзя Ленінскага раёна Брэста Андрэй Грушко ўжо 18 траўня ў 10:30, паведамляюць праваабаронцы.
Зінаіду Міхнюк абвінавачваюць на падставе матэрыялаў праслухоўвання, якое стаяла ў яе як актывісткі прафсаюза РЭП.
Актывістку незалежнага прафсаюза РЭП затрымалі 25 скавіка ў Брэсце. Сілавікі на Дзень Волі праз акно ўламіліся ў яе дом, правялі ператрус у хаце ды на офісе арганізацыі, а потым затрымалі Зінаіду Міхнюк. 60-гадовую жанчыну абвінавачваюць паводле артыкулу за абразу Лукашэнкі (арт. 368 КК). Гэты артыкул цяпер масава выкарыстоўваецца для палітычных рэпрэсій.
Суд Ленінскага раёну Брэста прызнаў матэрыялы з каментаром актывісткі на «Радыё Рацыя», «Praca.by.infо» і «Хартия-97» «экстрэмісцкімі матэрыяламі». А КДБ пазней прызнаў «экстрэмісцкім фармаваннем» Беларускі незалежны прафсаюз РЭП.
Зінаіду Міхнюк можна падтрымаць лістамі, праштоўкамі ці тэлеграмамі: СІЗА-7, 224030, г. Брэст, вул. Савецкіх памежнікаў, 37, Зінаіда Феадосіеўна Міхнюк