АМАП затрымлівае людзей у чарзе ў краму Symbal.by

Сёння стала вядома, што з-за ціску ўладаў зачыняецца крама нацыянальнай адзення symbal.by.

Людзі з салідарнасці пайшлі туды падтрымаць краму і набыць у іх тавары. Выстраілася чарга з пары дзясяткаў чалавек. Але хутка прыехаў АМАП на аўтазаку і стаў затрымліваць чаргу ў краму, якая проста моўчкі стаяла.

Па данных праваабаронцаў, затрыманы тры чалавекі. Тэлеграм-канал Мая краіна Беларусь паведамляе, што затрыманных 12. Людзей затрымаліваюць і збіваюць.

Пазней сузаснавальнік крамы Мікіта Броўка паведаміў Свабодзе пра затрыманне 20 чалавек.​ Прадстаўніца МУС Наталля Ганусевіч паведаміла Радыё Свабода, што прычынай затрымання людзей стала тое, што людзі нібыта перашкаджалі праезду аднаго аўтамабіля.
«Выяжджаў аўтамабіль, а людзі, якая стаялі побач з крамай, не давалі яму праехаць. У мэтах спынення супрацьпраўных дзеянняў, якія выразіліся ў блакаванні аўтамабіля, выехаў нарад міліцыі. Некаторыя асобы дастаўленыя для разбіральніцтва», — распавяла Ганусевіч.

Спіс затрыманых 23 чэрвеня каля крамы symbal.by (абнаўляецца): Аляксандр Кузняцоў, Ілля Дземчанка, Аляксандр Паплаўскі, фотакарэспандэнт БелаПАН Андрэй Шаўлюга (вызвалены), Аляксандр Райчонак, Аляксандр Андрэеў, і яшчэ больш за дзясятак людзей.
Пра закрыццё крамы з 29 чэрвеня паведаміў у сацсетках Павел Белавус.
"Запрашаем вас да канца тыдня набыць у нас што-небудзь, пакуль тавары крамы не арыштавалі і не канфіскавалі. У наяўнасці яшчэ шмат сцягоў, цішотак, кубкаў, павязак, торбаў ды іншай прадукцыі", — напісаў ён у фэйсбуку.
Паводле яго, такое рашэнне было прынята ў сувязі з ціскам ўладаў:
"Бо супраць нас не спыняюцца праверкі, а толькі павялічваюцца.
На мінулым тыдні на вытворчасць прыйшла санстанцыя, якая выпісала пастанову аб спыненні вытворчасці і міліцыя, якая забрала на праверку 9 бел-чырвона-белых сцягоў.
Таксама працягваецца праверка падатковай і ОБЭП, да гэтага часу ў нас няма інфармацыі, на якой падставе канфіскаваныя ў нашага кур'ера 419 цішотак ПСІХОЗ%.
Ужо тыдзень ЖРЭО, ЖЭУ 2 і ЖКХ Савецкага раёну адмаўляюцца нам падключыць электрычнасць, хоць усе дамовы маем і падставаў не ўключаць яе нам няма.
На гэтым тыдні мы дадаткова атрымалі ліст ад Мінгарвыканкама з патрабаваннем прыбраць цягам трох дзён з будынка шыльды крамы, а сёння, 23 чэрвеня, прыйшоў прадстаўнік МНС разбірацца па ананімнай скарзе на нас, што нібыта з памяшкання ідуць непрыемныя пахі і жыхары скардзяцца, што апазіцыйная крама займаецца незразумелай вытворчасцю.
Не выключаем варыянтаў, што ў бліжэйшыя дні па гэтых прычынах нам выставяць чарговыя патрабаванні спыніць працу крамы".