Баец Аляксей Кудзін прызнаны палітвязнем. Усяго ў Беларусі цяпер 631 палітзняволены

Праваабаронцы прызналі палітвязнем байца Аляксея Кудзіна, які атрымаў 2,5 гады за супраціў міліцыі.

Таксама гэты спіс папоўніўся імем жыхара Гродна Андрэя Сакалоўскага, якога асудзілі на тры гады калоніі па некалькіх артыкулах Крымінальнага кодэкса. Паводле версіі абвінавачвання, Сакалоўскі, знаходзячыся ў счэпцы, «аказаў непадпарадкаванне супрацоўнікам АМАПу і меў намер прычыніць боль 11 пацярпелым сілавікам».

Цяпер у спісе палітвязняў Беларусі 631 чалавек.

Паводле zerkalo.io.