Беларус спрабаваў правезці ў Літву шэсць валізак з цыгарэтамі, але нешта пайшло не так

Беларус спрабаваў
правезці ў Літву шэсць валізак і ручную паклажу з цыгарэтамі на суму больш за
34 тысячы еўра, паведамляе прэс-служба літоўскай мытні.


Яго затрымалі на мінулым тыдні супрацоўнікі кантрольна-прапускнога пункта Віленскага аэрапорта. Мужчына ляцеў у Літву праз Турцыю. Усяго пры ім было выяўлена 9148 пачкаў цыгарэт.

Пачата дасудовае расследаванне па факце кантрабанды. Парушальнік быў затрыманы на два дні, пазней яго адпусцілі пад падпіску аб нявыездзе з Літвы. У якасці меры засцярогі ў яго таксама канфіскавалі дакументы і ўзялі грашовы заклад.

Паводле reform.by, пераклад «НЧ».

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: