Беларуская дыяспара перадала Беларусі гуманітарную дапамогу для барацьбы з Covid-19
Беларуская дыяспара ў Польшчы і іншых краінах ЕС закупіла для Беларусі медыцынскія тавары, паведамляецца на сайце пасольства Беларусі ў Польшчы.
«Пасольства Беларусі ў Варшаве пры садзейнічанні беларускага Генеральнага консульства ў Беластоку перадало Рэспубліканскаму цэнтру арганізацыі медыцынскага рэагавання гуманітарную дапамогу ад беларускай дыяспары, якая пражывае ў Польшчы і іншых краінах Еўрасаюза», — гаворыцца ў паведамленні дыппрадстаўніцтва.
Там адзначаецца, што 93 электронных бескантактавых тэрмометра і 280 пульсаксіметраў закуплены ў рамках валанцёрскага руху #ByCovid19 для барацьбы з каронавіруснай інфекцыяй ў нашай краіне.
interfax.by