Былога выкладчыка юрфака БДУ Дзмітрыя Осіку затрымалі і арыштавалі на 15 сутак

Праваабаронцам стала вядома пра затрыманне былога выкладчыка юрфака БДУ Дмітрыя Осікі. Пасля суда яго арыштавалі на 15 сутак.

Дзмітрый Осіка — трэнер уласнай каратэ-студыі, былы выкладчык кафедры канстытуцыйнага права юрыдычнага факультэта БДУ.

Дзмітрыя затрымалі дома 13 ліпеня і адвезлі ў Цэнтральны РУУС Мінска, дзе склалі пратакол па адміністрацыйнай справе. 15 ліпеня суд прызначыў яму 15 сутак арышту. Па якім артыкуле асудзілі Осіка, пакуль невядома.

Праўладныя тэлеграм-каналы пішуць, што ён удзельнічаў у акцыях пратэсту і арганізаваў спаборніцтвы, частка сабраных сродкаў з якіх пайшла на ўкамплектаванне ўкраінскай арміі.