Дзмітрыя Кулакоўскага арыштавалі на 15 сутак за нібыта непадпарадкаванне міліцыянтам.

Былога міліцыянта-палітвязня забралі з дому і пазней адвезлі на Акрэсціна. 

Дзмітрыю Кулакоўскаму сёння прысудзілі 15 сутак, паведамляе «Белсат».

«Нібыта каля Ленінскага РАУС яго прынялі за асобу, падобную да той, што брала ўдзел у несанкцыянаваным шэсці. Яму прапанавалі прайсці ў РАУС праверыць асобу, пасля чаго ён пачаў супраціўляцца. Ён, вядома, гэта ўсё на судзе зняпраўджваў», — распавяла жонка былога міліцыянта.

Арышт яна звязвае з актыўнымі выказваннямі свайго мужа.