Зноў затрымалі былога міліцыянта-палітвязня Кулакоўскага, які звольніўся пасля 9 жніўня

20 траўня ў Мінску затрымалі былога міліцыянта Дзмітрыя Кулакоўскага. Інфармацыя пра гэта з’явілася ў тэлеграм-канале «Списки задержанных».

Інфармацыю «Белсату» пацвердзіла Юлія, жонка Дзмітрыя Кулакоўскага:

«А 17:00 будзе суд. Забралі яго проста з дому. Рэчы засталіся. Я не здолела датэлефанавацца, вярнулася і зразумела. Патэлефанавала ў Ленінскі РУУС, і мне паведамілі, што ён у іх. І будзе накіраваны на Акрэсціна».

Працэс над затрыманым адбудзецца ў судзе Ленінскага раёну Мінска. У чым вінавацяць мужчыну, жонка пакуль не ведае.