Фестываль-выстава “Праваслаўны куліч” у Слоніме

Сёння ў першы дзень праваслаўнага Вялікадня ў Слонімскім раённым Доме культуры адкрыўся фестываль-выстава “Праваслаўны куліч”. Яго падрыхтавалі навучэнцы і выкладчыкі нядзельных школ, якія існуюць пры праваслаўных храмах Слонімскага раёна.



p1011687.jpg

“Праваслаўны куліч” у Слоніме

На выставе экспанаваліся не толькі кулічы, але і малюнкі дзяцей, розныя вырабы, прысвечаныя вялікаму праваслаўнаму  Вялікадню — Уваскрасенню Хрыстову.

З хатнім кулічом заўсёды было звязана народнае павер’е: калі куліч выйшаў удалым, то і ў хаце усё будзе паспяхова. Куліч з’яўляецца своеасаблівым знакам прысутнасці Бога ў нашым жыцці, ён абавязкова павінен быў арыгінальна ўпрыгожаны. А яшчэ куліч павінен быць не толькі круглым, але і высокім, таму што ўвесну ўсё ў прыродзе ажывае і цягнецца ўверх.

Кулічы на слонімскай выставе дапаўнялі малюнкі дзяцей, на якіх часцей за ўсё былі адлюстраваны праваслаўныя святыні Слонімшчыны, а таксама вялікодныя яйкі, як сапраўдныя прыгожа расфарбаваныя, так і сувенірныя.

p1011680.jpg

p1011671.jpg

p1011670.jpg

p1011686.jpg

Фота аўтара