Фотавыстава ў Мінску расказвае пра адраджэнне старадаўніх сядзіб Літвы

3 мая ў Мінску, у пасольстве Літоўскай Рэспублікі, адбылося адкрыццё Дзён Літвы ў Беларусі. Першай культурнай акцыяй стала фотавыстава Дыяны Гарбачаўскене і Лявонаса Гарбачаўскаса "Сядзібы Літвы".



Адкрыццё фотавыставы Дыяны Гарбачаўскене і Лявонаса Гарбачаўскаса "Сядзібы Літвы". Фота БелаПАН

Цяпер у Літве налічваецца каля паўтысячы сядзіб, прыкладна сотня з іх дачакаліся ўвагі спадчыннікаў або новых уладальнікаў і поўнасцю адрэстаўраваныя.

Выставу складаюць здымкі дваццаці сядзіб Радзівілаў, Тышкевічаў і іншых вядомых родаў Вялікага княства Літоўскага, гісторыя якіх цесна звязвае Літву і Беларусь. У экспазіцыі прадстаўлены не толькі адноўленыя ці якія рэстаўруюцца сядзібы, але і што чакаюць свайго адраджэння.

Тэатралізаваны музычны праект "Радзіме прысвячаю здабытак, працу і жыццё" прадставілі на вечары актрыса і рэжысёр Віргінія Каханскітэ і лаўрэаты міжнародных конкурсаў Швесэ Чэпляўскайтэ (фартэпіяна) і Гедрэ Зейцайтэ (сапрана). Прагучала музыка Міхала Клеафаса Агінскага, а таксама тэксты, падрыхтаваныя на аснове фрагментаў яго лістоў і кніг.

Пасол Літвы ў Беларусі Эвалдас Ігнатавічус.

Фота Васіля Сямашкі, БелаПАН