Чаму Дзень Волі мусіць быць дзяржаўным святам (шмат прыгожых фота)
Пасля Опернага мы ўпэўніліся, што Дзень Волі цяпер паўнапраўна прэтэндуе на самае прыгожае свята Беларусі. Ужо пачаўся збор подпісаў за наданне яму статусу дзяржаўнага свята.
Хоць улада максімальна палітызавала яго, а людзей з бел-чырвона-белымі сцягамі зрабіла ледзь не ворагамі дзяржавы, але беларускі народ, як самастойная адзінка, з кожным годам становіцца ўсё мацней. І тысячы людзей за месяц барацьбы за Свята Незалежнасці даказалі гэта. Відавочна, што 25 сакавіка 2018 года ўвойдзе ў гісторыю незалежнай Беларусі чырвонай датай.
А пакуль глядзіце здымкі, замілоўвайцеся шчырымі пачуццямі людзей пад "Пагоняй".
Фота аўтаркі