Год «хатняй хіміі» — за надпіс «No war»

У Беларусі за графіці «No war» таксама судзяць — толькі паводле іншага, чым у РФ, артыкула.

За надпіс «No war» жыхара Брэста асудзілі да года «хатняй хіміі». Сёння, 22 красавіка ў Маскоўскім судзе Брэста па артыкуле «Апаганенне збудаванняў і псаванне маёмасці» (арт.341 КК РБ) асудзілі вулічнага мастака Рамана Барташа, паведамляюць праваабаронцы.

Вядома, што 20 сакавіка ў раёне чыгуначнай станцыі «Брэст Паўднёвы» з'явіўся пацыфісцкі надпіс-графіці. Ён складалася з некалькіх элементаў: асноўная частка — гэта фраза «No war». Таксама стаяў стылізаваны подпіс аўтара. Частка была выканана маркерам, іншае намалявана балончыкам.

Амаль адразу графіціста затрымалі. Гэта зрабіла ахова чыгункі. А ужо сёння 19-гадовага юнака асудзілі. Суддзя Марыя Аліферук прысудзіла  Раману Барташу год «хатняй хіміі».


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: