Хронікі рэпрэсій. У Гродне затрымалі актывіста, суд над рэдактаркай ABW.by пачнецца 19 верасня

З дапамогай праваабаронцаў сабралі звесткі пра рэпрэсіі за 18 верасня. Нядзеля — дзень выходны, але затрыманні ў Беларусі працягваюцца.
У панядзелак, 19 верасня, у судзе Фрунзенскага раёна Мінска распачнецца суд над галоўнай рэдактаркай аўтамабільнага парталу «Аўтабізнэс» палітзняволенай Юліяй Мудрэўскай. Справу будзе разглядаць суддзя Алена Бушава. Жанчыну абвінавачваюць ва ўдзеле ў акцыях пратэсту ў 2020 годзе. За кратамі Юлія знаходзіцца больш за тры месяцы.

Жанчыну затрымалі 16 чэрвеня. Таксама ў гэты дзень былі затрыманыя рэдактар рэкламных праектаў ABW.by Юрый Гладчук і выпускаючы рэдактар Вадзім Зянкевіч.

У Гродне затрыманы вядомы моладзевы актывіст Яўген Юнцэвіч. З ім з’явілася «пакаяльнае відэа» на праўладных тэлеграм-каналах. Прычына затрымання — нібыта Юнцэвіч зарэгістраваўся ў плане «Перамога» і распаўсюджваў «экстрэмісцкія матэрыялы». Верагодна, супраць яго распачатая крымінальная справа.

Яўген Юнцэвіч вядомы ўдзелам у розных грамадскіх ініцыятывах. Напрыклад, у 2018 годзе ён валанцёрыў у суполцы Grodno travelers’ club.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: