І тут хапун. Затрыманыя адвакаты па справе Марфы Рабковай і групы анархістаў

Праваабаронцы са спасылкай на праўладныя тэлеграм-каналы паведамляюць, што сёння раніцай затрымалі цэлую групу адвакатаў нібыта за разгалошванне дадзеных следства (арт. 407 КК).

Прозвішчы затрыманых высвятляюцца. 

Нагадаем, у Мінскім гарадскім судзе 6 верасня агучылі прысуд адразу дзесяці палітзняволеным: каардынатарцы валанцёрскай службы «В*сны» Марфе Рабковай, валанцёру Андрэю Чапюку, актывістам анархісцкага руху Акіхіру Гаеўскаму-Ханаду, Аляксандру Францкевічу, Аляксею Галаўко, Аляксандру Казлянку, Паўлу Шпетнаму, Мікіту Дранцу, Андрэю Марачу, Данілу Чулю.

Суд у закрытым рэжыме цягнуўся чатыры з паловай месяцы — агулам прайшло 70 працэсаў па 158 тамах матэрыялаў крымінальнай справы. Палітвязням прызначылі ад пяці да 17 гадоў калоніі. Пасля прысуду былі затрыманыя некаторыя сваякі палітвязняў, а таксама была спроба затрымаць аднаго з адвакатаў палітвязняў.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: