«Я лічу, што так было правільна». Соф'я Сапега дала інтэрв'ю расійскаму выданню

Соф'я Сапега з'яўляецца грамадзянскай Расійскай Федэрацыі, яе адвакаты дамагаюцца памілавання ці экстрадыцыі на радзіму.

Соф'я Сапега праз адваката перадала адказы на пытанні расійскага выдання.

Нагадаем, што Соф'я Сапега была затрыманая ў траўні 2021 года разам са сваім былым маладым чалавекам Раманам Пратасевічам, які быў адным з адміністратараў Telegram-канала Nexta. Гэта адбылося ў аэрапорце Мінска пасля вымушанай пасадкі самалёта авіякампаніі Ryanair па запыце ўладаў краіны на падставе наяўнасці на борце выбуховага прыстасавання.

Сапега абвінавацілі ў адміністраванні іншага апазіцыйнага канала, «Чорная кніга Беларусі», дзе публікаваліся персанальныя дадзеныя сілавікоў і прыхільнікаў Лукашэнкі. Неўзабаве стала вядома, што Пратасевіч пачаў актыўна супрацоўнічаць са следствам, а нядаўна — пра яго жаніцьбу. Пратасевіч даў некалькі інтэрв'ю з раскаяннем наконт сваёй мінулай палітычнай пазіцыі. Сапега ж была 6 мая прызнана вінаватай у распальванні варожасці, а таксама незаконным зборы персанальных звестак. Нягледзячы на ​​прызнанне віны, яна была прыгаворана да шасці гадоў калоніі.

У канцы траўня Вярхоўны суд Беларусі паведаміў, што расіянка не абскарджвала прысуд.

Соф'я Сапега з'яўляецца грамадзянскай Расійскай Федэрацыі, яе адвакаты дамагаюцца памілавання ці экстрадыцыі на радзіму. Крэмль паабяцаў, што Масква будзе бараніць законныя інтарэсы Сапегі.

Вось адказы Соф'і Сапегі на пытанні спецыяльнага карэспандэнта расійскага выдання Кацярыны Вінакуравай.

- Чаму вы зацікавіліся палітыкай?

- Я жыла ў Рэспубліцы Беларусь з пяці гадоў. Гэта мой другі дом, і так было да майго затрымання. Я лічу нармальным цікавіцца палітычным становішчам у краіне, якая табе родная. І рабіць гэта нават трэба.

- Вы сапраўды вялі Telegram-канал «Чорная кніга Беларусі»?

- Наконт віны... Я ўнутрана лічу, што так было правільна.

- Ці звязваўся з вамі Раман Пратасевіч пасля арышту?

- Пратасевіч са мной не звязваўся. Для мяне ён больш не існуе. І мой самы слушны адказ на ўсе пытанні пра Пратасевіча, што мне такі чалавек незнаёмы.

- Вы хочаце вярнуцца ў Расію?

- Я вельмі хачу вярнуцца да сваёй сям'і. Дзе гэта будзе, мне не важна. Мае мама і тата зрабілі для мяне ўсё і нават больш. Яны мой дом.

- Вы атрымліваеце лісты?

- Я атрымала тры лісты ад бацькоў і больш нічога. Вельмі хвалююся, што не змагу атрымліваць ад іх вестачкі. У астатнім, умовы прымальныя.

- Што вы хочаце сказаць расіянам, якія вас падтрымліваюць?

- Дзякуй усім, хто перажываў і падтрымліваў маю сям'ю. І вялізная падзяка пасольству Расійскай Федэрацыі за падтрымку.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: