Яшчэ аднаго палітвязня перавялі на «хатнюю хімію»

11 студзеня стала вядома, што Юрыю Вяршуку паводле памілавання змянілі пакаранне з «хіміі» на «хатнюю хімію». Пра гэта паведамілі праваабаронцы.

Раней стала вядома, што з «хіміі» на «хатнюю хімію» таксама перавялі палітвязняў Уладзіміра Шурубейку і Яраслава Збароўскага.

Жыхара Гомеля Юрыя Вяршука асудзілі на два гады «хіміі» за каментар пад відэа, дзе старшыня Гомельскага аблвыканкама Салавей адказвае на пытанні грамадзян.