Вельмі шмат людзей. У цэнтры Мінска прайшоў Марш мудрасці, ёсць затрыманне (фота, відэа)

Пенсіянеры выйшлі на чарговую акцыю пратэста. Ад Плошчы Незалежнасці яны плануюць прайсці да Плошчы Якуба Коласа.

У цэнтры сталіцы сабраліся пенсіянеры, каб правесці Марш мудрасці. Гэта традыцыйная акцыя пратэста, якую людзі сталага веку ладзяць па панядзелках.

Крыніца — тэлеграм-канал «Баста».


Фота TUT.BY

Людзі памалу рушылі ўздоўж праспекта Незалежнасці. Да пенсіянераў гэтым разам далучыліся медыкі. Міліцыя папярэджвае, што акцыя не санкцыянавана. Пратэстоўцы скандуюць «Трыбунал!» і «Пайшоў вон!» 



Крыніца — «Кулуары Куку».


Крыніца — «Мая краіна Беларусь».

Гляньце, колькі людзей! І гэта нягледзячы на ўчорашнія жорсткія затрыманні.

Таксіст уключыў «Перамен», каб падтрымаць калону людзей.


Крыніца — «Кулуары куку».

А гэта бясстрашная Ніна Багінская.


Крыніца — «Баста».




Фота TUT.BY


Крыніца — «Мая краіна Беларусь».
Тысячы чалавек бяруць удзел у Маршы мудрасці.


Крыніца — «Наша Ніва».


Фота TUT.BY.

Калона дайшла да Кастрычніцкай плошчы.

Фота ТАСС.
Пратэсты здзьмуваюцца? Пенсіянеры так не лічаць.


Крыніца — «Баста».

Стрыт-арт сёння такі.


Фота «Радыё Свабода».

Фота TUT.BY

Пенсіянеры выходзяць на маршы ўжо шосты панядзелак запар. Сёння яны ўжо прайшлі цырк і дайшлі да Плошчы Перамогі.


Людзі дораць кветкі удзельнікам Марша мудрасці.


Крыніца — «Мая краіна Беларусь».
Тым часам супольны марш пенсіянераў і медыкаў падыходзіць да плошчы Якуба Коласа.

Удзельнікаў Марша мудрасці на плошчы Якуба Коласа валанцёры частуюць гарбатай. Пенсіянеры ўсклалаюць кветкі да помнікаў і спяваюць «Муры».


Марш мудрасці завяршыўся. Удзельнікі паклалі плакаты і кветкі, якія пранеслі з сабой па праспекце, да помніка. Праспявалі песні, паволі разыходзяцца.
Моладзь, якая падтрымлівала пенсіянераў, яны папярэдзілі: «Хутчэй сыходзьце з плошчы, пакуль мы тут. А то як разыйдземся, то "гэтыя" тых, хто застаўся, хапаюць».
І, сапраўды, напрыканцы маршу была затрыманая адна студэнтка, паведамляе tut.by.