Календары, часопісы, кубкі. «Экстрэмісцкія матэрыялы» пачалі знаходзіць у пасылках
«Экстрэмісцкімі матэрыяламі» прызналі змесціва некаторых міжнародных пасылак. Сярод іх — світшот «Кусь за Беларусь», каляндар «Не маўчы па-беларуску» і часопіс «Казкі-Краскі».
Суд Кастрычніцкага раёна Мінска 30 верасня прызнаў
«экстрэмісцкімі матэрыяламі» змесціва некаторых міжнародных пасылак. У спісе каля
70 пазіцый, сярод якіх паштоўкі, майкі, нашыўкі, часопісы, налепкі, кубкі і
іншыя сувеніры, адзначаюць праваабаронцы.
«Экстрэмісцкімі», сярод іншага, прызнаныя каляндар «Не маўчы
па-беларуску» за 2021 год, паштоўкі з тэкстам «Па ашчушчэнию пальцы уже синие»
і «Там жыццё рай, дзе свабоды край», налепка «Верым! Можам! Пераможам!», магніт
з аўтазакам «Wеlсоme tо Веlагus», світшот з катом у кароне, ля лап якога ляжыць
меч і шчыт з крыжам і надпіс «Кусь за Беларусь», часопіс з коміксамі
«Казкі-Краскі».