Каронавірус у Беларусі: каля 1400 новых выпадкаў. І зноў дзесяць смерцяў

Свежая статыстыка Міністэрства аховы здароўя.

Паводле звестак Міністэрства аховы здароўя, за апошнія суткі ў Беларусі былі зарэгістраваныя 1 384 пацыента з COVID-19 (1 516 днём раней), выпісаны — 1 401 пацыент. За суткі выканана 19 379 тэстаў.

Памерла, як і ў папярэднія суткі, 10 чалавек з выяўленай каронавіруснай інфекцыяй. За ўвесь перыяд распаўсюджвання інфекцыі на тэрыторыі краіны па афіцыйных дадзеных памерлі 2413 пацыентаў.

Паводле «Салідарнасці».