Алеся Пушкіна затрымалі 30 сакавіка 2021 года ў вёсцы Жылічы Кіраўскага раёна, дзе ён працаваў на рэстаўрацыі палаца Булгакаў. Ён фігурант крымінальнай справы, якую пачала гарадзенская пракуратура паводле ч. 3 арт. 130 Крымінальнага кодэксу («Распальванне варожасці»). Паводле пракуратуры — «за ўчыненне наўмысных дзеянняў, накіраваных на рэабілітацыю і апраўданне нацызму».
Падставай для гэтага стаў партрэт антысавецкага падпольшчыка
Яўгена Жыхара, выстаўлены ў прыватным «Цэнтры гарадскога жыцця» ў Горадні.
Раней да Алеся Пушкіна звярталіся з прапановай напісаць
заяву аб памілаванні, але ён адмовіўся. «Сказаў, што нічога дрэннага не рабіў і ніякіх прашэнняў падпісваць
не будзе», — сказала адвакатка палітвязня.
