Палітзняволеную Вольгу Гарбунову перавялі на «Валадарку»

Актывістку Вольгу Гарбунову перавялі ў СІЗА № 1 на вуліцы Валадарскага ў Мінску, паведамляе reform.by са спасылкай на «Вясну».

Учора ёй павінны былі прад'явіць абвінавачанне альбо адпусціць. Інфармацыі аб абвінавачанні пакуль няма.

Вольга Гарбунова — вядомая фемактывістка, экс-кіраўніца прытулку для пацярпелых ад хатняга гвалту «Радзіслава», экспертка ў пытаннях хатняга гвалту. Яна была затрыманая 9 лістапада па крымінальнай справе па артыкуле 342 КК. Гарбунову прызналі палітвязнем. Учора паведамлялася, што ў ІЧУ на Акрэсціна яна трымае галадоўку ў знак пратэсту супраць незаконнага затрымання і з 9 лістапада толькі п'е ваду.