Мэр Рыгі Марціньш Стакіс вывесіў БЧБ-сцягі над будынкам Рыжскай гарадской думы

У цэнтры Рыгі зноў з'явіліся бел-чырвона-белыя сцягі. На гэты раз мэр горада Марціньш Стакіс вывесіў іх на будынку Рыжскай гарадской думы.

У сваім твітэр-акаўнце Стакіс апублікаваў фота сцягоў з хэштэгам #StandWithBelarus. Там жа апублікаваны твіт аб сусветнай акцыі салідарнасці з Беларуссю 29 мая і прапанова наведаць 7 месцаў у Рызе, дзе ёсць важныя для беларусаў сімвалы.

Раней мэр Рыгі і міністр замежных спраў Латвіі Эдгарс Рынкевічс павесілі нацыянальны сцяг Беларусі на месца дзяржаўнага сцяга на інсталяцыі са сцягамі краін-удзельніц чэмпіянату свету па хакеі. У адказ Беларусь завяла на Стакіса і Рынкевічса крымінальнуюсправу. З Мінска былі высланыя супрацоўнікі амбасады Латвіі. Афіцыйная Рыга адказала тым жа.

Паводле «Еўрарадыё».