43-гадовую адміністратарку дваровага чата затрымліваў cпецназ
Каб затрымаць 43-гадовую адміністратарку дваровага чата, выклікалі САХР і ГУБАЗіК. Пра пайманне «небяспечнага злачынца» адчыталася прэс-служба МУС.
На відэа бачна, што жанчына сама адкрыла сілавікам дзверы, але ёй усё адно заламалі руку і паклалі на падлогу.
Паведамляецца, што мінчанка працуе ў IT-сферы і выхоўвае
12-гадовага сына. А таксама, што яна кіравала «дэструктыўным
телеграм-рэсурсам «Берута чат». Пры ператрусе ў яе нібыта знайшлі
БЧБ-сімволіку і пнеўматычны пісталет.
На затрыманую склалі адміністрацыйны пратакол за парушэнне
парадку арганізацыі або правядзення масавых мерапрыемстваў.
Паводле «Еўрарадыё».