Мінімум 631 ракета была запушчана з тэрыторыі Беларусі па Украіне

Такія падлікі ажыццявілі беларускія назіральнікі.

fa6892e_81dce6e_1e73881_krylata_raketa.jpg

Маніторынгавая група «Беларускі Г**н» сабрала ўсе вядомыя ракетныя запускі з беларускай тэрыторыі з 6 раніцы 20 хвілін 24 лютага 2022 года ў відэа храналогію.
«БГ» звяртае ўвагу, што запускі ракет адбываюцца з дазволу і пры прамой падтрымцы Лукашэнкі:
«Ён – ваенны злачынец, як і Пуцін. І яго мусяць судзіць гэтак жа, як і ўсіх дыктатараў, якія падтрымліваюць забойствы мірных грамадзян. У вашых сілах патрабаваць увядзення санкцый супраць рэжыму – і спынення любых адносін з Лукашэнкам і яго чыноўнікамі».
Запускі з тэрыторыі Беларусі працягваюцца дагэтуль. Апошні пуск быў учора, 3 траўня, а 11:35.