Муж БЧБ-нявесты Іны Зайцавай атрымаў 13 сутак. Прычына — сцяг на ўласным доме

Пара актывістаў жыве ў пасёлку Сокал, што пад Мінскам.

Андрэя Зайцава затрымалі 11 снежня ў РУУС Кастрычніцкага раёну, куды ён з жонкай прыйшоў даваць тлумачэнні з нагоды вывешанага БЧБ-сцяга, піша «Белсат». Выходныя мужчына правёў у ізалятары на Акрэсціна. Суддзя палічыла, што вывешванне сцяга — несанкцыянаваны адзіночны пікет.

Акрамя сутак 11 снежня Андрэй атрымаў штраф 810 рублёў за ўдзел у «Маршы гонару» 11 кастрычніка.