Не зразумелі гумару. Сатырычны тг-канал «Чай з малінавым варэннем» прызнаны экстрэмісцкім

«Экстрэмісцкі спіс» папоўніўся яшчэ адной пазіцыяй. Папулярны сатырычны тэлеграм-канал «Чай з малінавым варэннем» прызнаны экстрэмісцкім.

Такое рашэнне па матэрыялах ГУБАЗіК прыняў суд Цэнтральнага раёна Мінска, піша Еўрарадыё.

Гэта азначае, што перапост і распаўсюд інфармацыі з гэтага канала можа пагражаць адміністрацыйнай адказнасцю. Згодна з законам чытанне экстрэмісцкага ТГ-канала і падпіска на яго не з’яўляюцца правапарушэннем.

Пры гэтым не паведамляецца, ці прызнаныя адначасова экстрэмісцкімі групы і суполкі «Чая» ў шматлікіх сацыяльных сетках.