Пад пацыентаў з covid у Мінску аддалі нават гінекалагічную бальніцу

Мінская гарадская клінічная гінекалагічная бальніца пачала прымаць пацыентаў з COVID-19 з 10 лістапада.

«Пад размяшчэнне пацыентаў з covid-19 аддадзена 160 ложкаў, гэта значыць гэта ўся клініка», — сказаў Дзмітрый Чараднічэнка, першы намеснік старшыні Камітэта аховы здароўя Менгарвыканкама.

Акрамя гэтага, пацыентаў з каронавірусам лечаць у 1-й, 2-й, 3-й, 4-й, 5-й, 6-й і 10-й бальніцах, у дзіцячай і дарослай інфекцыйных бальніцах, паведамляе REFORM.by.