Палітзняволенага Паўла Рэзановіча на судзе па «справе Аўтуховіча» змясцілі ў клетку-«стакан» (фотафакт)

Побач з ім у такой самай клетцы знаходзіцца Мікалай Аўтуховіч, адзначаюць праваабаронцы.

Нагадаем, з першага судовага пасяджэння ў асобных клетках трымалі Мікалая Аўтуховіча і Любоў Рэзановіч — праўладныя СМІ паведамлялі, што гэта зроблена з-за таго, што гэтыя фігуранты «асабліва небяспечныя». У рэпартажы АНТ казалі, што «Любоў Рэзановіч размясцілі ў «адзіночцы» праз яе эмацыйна нестабільны стан, бо яна можа нашкодзіць Аўтуховічу».

Па сённяшніх фотаздымках з судовага пасяджэння бачна, што маці з сынам памянялі месцамі — Павел знаходзіцца ў адзіночным «стакане», а яго маці — у звычайнай «клетцы» з іншымі фігурантамі справы.