Яўген Батура не выйшаў на волю пасля «сутак». Яго перавялі на «Валадарку»

Яўгена Батуру перавялі з Акрэсціна на «Валадарку». Пра гэта ў фэйсбуку паведаміла яго жонка, журналістка Дзіяна Серадзюк.
«Дарагія, Жэня на «Валадарцы», сёння для яго прынялі перадачу. Пішыце яму: 220030, СІЗА-1, Мінск, вул. Валадарскага, 2. Батуру Яўгену Анатольевічу. А 31 ліпеня ў яго дзень народзінаў, думаю, ён будзе рады вашым цёплым віншаванням», — напісала Дзіяна.

Яўген Батура быў затрыманы 29 чэрвеня. Родным мужчыны патэлефанаваў следчы і паведаміў, што Яўген затрыманы, бліжэйшыя 10 сутак правядзе на Акрэсціна. Пасля будзе вызначана далейшая мера стрымання. Па словах следчага, актывіст затрыманы за падзеі 2020 года.

Цяпер, выглядае, на Яўгена завялі крымінальную справу.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: