Палітзняволеную журналістку Ксенію Луцкіну хочуць пасадзіць на восем гадоў

Як стала вядома БАЖ, у працэсе над журналісткай адбыліся спрэчкі бакоў. Заўтра Ксенія павінна выступіць з апошнім словам.

photo_2022_09_20_16_39_02.jpg

Ксенію Луцкіну абвінавачваюць у «змове ці іншых дзеяннях, здзейсненых з мэтай захопу дзяржаўнай улады». Журналістку затрымалі ў снежні 2020-га па «справе Прэс-клуба». Яе абвінавацілі ў «нявыплаце падаткаў» (пасля закрыцця гэтай справы распачалі новую).

Раней яна працавала на беларускім тэлебачанні, але сышла адтуль на хвалі пратэстаў, далучылася да дзейнасці Каардынацыйнай рады. Супрацоўніцтва з ёй і стала падставай для завядзення крымінальнай справы. У зняволенні ў Ксеніі Луцкінай абвастрыліся праблемы са здароўем — пачала расці пухліна ў галаўным мозгу.

У журналісткі на волі застаўся непаўналетні сын.