Палітзняволены фігурант «справы карагодаў» Аляксандр Жук выйшаў на волю

26-гадовы Аляксандр Жук цалкам адбыў тэрмін на «хіміі» і сёння выйшаў на волю, паведамляюць праваабаронцы.

Хлопца затрымалі 24 сакавіка 2021 года ў межах крымінальнай справы, узбуджанай па падзеях у Брэсце, калі пратэстоўцы былі разагнаныя вадамётам.

30 жніўня 2021 суд прызначыў Аляксандру пакаранне паводле ч. 1 арт. 342 Крымінальнага кодэкса — паўтара года «хіміі». Тэрмін палітвязень адбываў у ПУАТ № 39 у Крупках.

Нагадаем, 13 верасня 2020 года ў Брэсце група пратэстоўцаў выйшла на праезную частку на скрыжаванні праспекта Машэрава, бульвара Касманаўтаў і бульвара Шаўчэнкі і вадзіла карагоды. Дэманстрантаў разагналі вадамётамі. Паводле абвінавачання, яны парушылі не толькі грамадскі парадак, але і працу транспарту, нанеслі шкоду тралейбуснаму і аўтобуснаму паркам, а таксама нібыта па іх віне зачыніліся арганізацыі гандлю і харчавання.