Палова пацыентаў інфекцыйнай лякарні ў Гродне — у цяжкім стане

Аб складанай сітуацыі з каронавірусам у абласным цэнтры паведаміў мясцовы тэлеканал «Гродна+», піша «Еўрарадыё».

_5395791431878161748_121.jpg

Палова пацыентаў інфекцыйнай лякарні ў Гродне — у цяжкім стане. Апошнія два тыдні ў медыкаў аўрал.

«Наша койка не пустуе. Яна запатрабаваная. На месца выпісаных пацыентаў вечарам будзе ўжо новы пацыент. І мы нават не ведаем у якім стане, магчыма, ён будзе ў больш цяжкім», — распавяла галоўная лекарка лякарні Наталля Малышка.

Нагадаем, у Беларусь прыйшла чацвёртая хваля каронавіруса. Паводле афіцыйных звестак, абноўленыя сутачныя антырэкорды колькасці інфікаваных і памерлых.