Памёр Эдмінас Багдонас — былы амбасадар Літвы ў Беларусі

На 58-м годзе жыцця памёр экс-амбасадар Літвы ў Беларусі Эдмінас Багдонас. У нашай краіне ён працаваў у 2007-2001 гадах.

Сёння пайшоў з жыцця былы амбасадар Літвы ў Рэспубліцы Беларусь Эдмінас Багдонас.

Вось што напісаў з гэтай нагоды Андрэй Саннікаў:

— Ён шмат рабіў для Літвы, сваёй Радзімы. Ён шмат рабіў для Беларусі, дзе ён прадстаўляў Літву. Ён шмат рабіў для палітвязняў, нягледзячы на вокрыкі і нават пагрозы рэжыму ў яго адрас. Ён быў адным з самых моцных дыпламатаў, якія калі-небудзь працавалі ў Беларусі. Ён быў нашым сябрам. Ён быў узорам чалавечнасці на высокай чыноўніцкай пасадзе. Сёння яго не стала. Шчырыя спачуванні яго сям'і, сябрам і калегам.

«Новы Час» да спачуванняў родным і блізкім Эдмінаса Багдонаса.

Адзначым, што ў Беларусі ён працаваў з 2007 па 2011 гады. Адметна, што ў Мінск спадар Багдонас прыехаў, валодаючы васьмю замежнымі мовамі — чэшскай, польскай, славацкай, сербахарвацкай, украінскай, рускай, англійскай і італьянскай. Але ў хуткім часе вывучыў і беларускую.