Папа Рымскі накіраваў 100 тысяч еўра на дапамогу мігрантам з беларуска-польскай мяжы

Ватыканская Дыкастэрыя па служэнні інтэгральнаму развіццю чалавека 18 студзеня 2022 года распаўсюдзіла інфармацыю пра рашэнне Францішка фінансава дапамагчы мігрантам на беларуска-польскай мяжы, паведамляе «Vatican News».

3f099bf_papa_rymskyj_francysk.jpg


«Святы Айцец вырашыў накіраваць унёсак у памеры 100 тысяч еўра на карысць груп мігрантаў, якія апынуліся паміж Польшчай і Беларуссю, а таксама ў дапамогу "Caritas Polska" для вырашэння надзвычайнай міграцыйнай сітуацыі на мяжы паміж дзвюма краінамі», — гаворыцца ў афіцыйнай заяве.
Таксама Францішак вырашыў накіраваць першы ўнёсак у памеры 100 тысяч еўра на дапамогу насельніцтву Філіпін пасля тайфуну, які закрануў, паводле крыніц Арганізацыі Аб'яднаных Нацый, каля 8 мільёнаў чалавек у 11 рэгіёнах краіны.