Польшча ўзмоцніць ахову мяжы з Беларуссю праз сітуацыю з мігрантамі

Польшча ўзмацняе ахову мяжы з Беларуссю праз павелічэнне колькасці нелегальных мігрантаў, заявіў журналістам у сераду прэс-сакратар урада краіны Пётр Мюлер.

У апошні час польскія памежнікі адзначаюць, што паток нелегальных мігрантаў з Беларусі павялічыўся ў некалькі разоў. Паводле іх звестак, сёлета на беларускім участку мяжы ўжо затрыманы 871 нелегальны мігрант. За ўвесь мінулы год іх было 122, піша «РИА Новости».

«Калі гаворка ідзе пра мяжу з Беларуссю, то там робяцца захады, каб засцерагчы гэтую мяжу мацней, чым раней, бо там з'яўляюцца тэндэнцыі, калі гаворка ідзе пра пераходы мяжы, якіх раней не назіралася», — сказаў Мюлер.

«У сувязі з гэтым фактычна было прынята рашэнне, каб узмацніць мяжу з Беларуссю», — дадаў ён.

Пры гэтым Мюлер заявіў, што не ў курсе, ці будзе Польшча будаваць плот уздоўж мяжы з Беларуссю па прыкладзе Літвы. «Мне невядома, каб такое рашэнне было прынята», — сказаў ён.