Праваабаронцы прызналі палітвязнямі «рэйкавых партызанаў» з Бабруйска

Гэта Канстанцін Ермаловіч, Віталь Мінкевіч, Ігар Казлоў, Павел Нікіценка і Сяргей Кірыковіч, паведамляюць праваабаронцы.

Ермаловіч, Мінкевіч і Казлоў — «рэйкавыя партызаны» з Бабруйска, асуджаныя за спальванне ціра вайсковай часці ўнутраных войскаў, усталяванне муляжоў мін на рэйках чыгуначных шляхоў і каля кіёска «Табакерка», абразе Лукашэнкі. Ім прысудзілі 16, 15 і 14 гадоў адпаведна.

Нікіценка і Кірыковіч асуджаныя на 4,5 года калоніі.

На сёння ў Беларусі налічваецца 1311 палітвязняў, якіх прызнала праваабарончая супольнасць. Агульная колькасць беларусаў, асуджаных або абвінавачаных па палітычных справах, у некалькі разоў большая.