Родным Дзяніса Івашына патрэбна дапамога ў аплаце паслуг адваката

Нашага калегу з 15 жніўня судзяць у закрытым рэжыме ў Гродзенскім абласным судзе.

Для таго, каб заплаціць абаронцу Дзяніса, родныя журналіста былі вымушаныя браць пазыкі. Пасяджэнні праходзяць штодня, і колькі яны яшчэ працягнуцца, невядома.

Паколькі пасяджэнні закрытыя, а адвакат Дзяніса Івашына пад падпіскай аб неразгалошванні, пра сам працэс амаль нічога не вядома. Вядзе яго суддзя Валерый Раманоўскі.

— Нічога добрага мы не чакаем, там усё даўно вырашана і распісана. Следчы ўжо год таму казаў і пра «суд», і пра «вырак», толькі ён меркаваў, што ў іншыя тэрміны яны ўкладуцца, але, відаць, вайна з Украінай пайшла «трошкі іншым шляхам», то планы іх падкарэктавала, — каментуе жонка журналіста Вольга Івашына. — Мы спадзяемся толькі на абмен Дзяніса або як ваеннапалоннага, або як закладніка рэжыму ўнутранай акупацыі падчас гандлю за скасаванне санкцый ці ўсеагульнага вызвалення ўсіх палітвязняў пры зрынанні абодвух рэжымаў.

Нагадаем, журналіст-расследавальнік, аўтар «Новага Часу» Дзяніс Івашын знаходзіцца ў няволі з 12 сакавіка 2021 года. Яго абвінавачваюць па арт. 365 Крымінальнага кодэкса (умяшанне ў дзейнасць супрацоўніка ўнутраных спраў) і ч. 1 арт. 356 КК (здрада дзяржаве). Журналісту пагражае ад 7 да 15 гадоў няволі.

Сям'і журналіста патрэбна дапамога ў аплаце паслуг адваката, а таксама на шматлікія выдаткі, звязаныя з перадачамі, пасылкамі і іншым. Калі вы жадаеце дапамагчы, сродкі можна ахвяраваць на замежны рахунак жонкі Дзяніса Вольгі Івашынай:

PKO BANK

POLSKI

Kod BIC PKO: BPKOPLPW

IBAN: PL07102013320000100213409349

VOLHA IVASHYNA

Для тых, хто хоча дапамагчы ў Беларусі, у рэдакцыі ёсць кантакт маці журналіста.

Таксама вы можаце падтрымаць самога Дзяніса лістом, пасылкай ці грашовым пераводам: турма №1, 230023, г. Гродна, вул. Кірава, 1, Дзянісу Яўгенавічу Івашыну.