Рыгора Кастусёва перавялі ў турэмны шпіталь. Яго рыхтуюць да аперацыі

КІраўнік партыі БНФ ужо сем месяцаў знаходзіцца пад арыштам.

З СІЗА КДБ у турэмны шпіталь перавялі лідара партыі БНФ Рыгора Кастусёва, якога затрымалі ў красавіку разам з Аляксандрам Фядутам і Юрасём Зянковічам. Усіх трох абвінавачваюць у падрыхтоўцы да «замаху» на Лукашэнку, паведамляе «Свабода».

«Кастусёў шпіталізаваны, яго рыхтуюць да аперацыі», — распавяла адвакатка палітвязня Інэса Аленская.

У верасні з'явілася інфармацыя аб пагаршэнні здароўя Рыгора Кастусёва: у яго падазрэньне на анкалогію і патрэбная тэрміновая апэрацыя, як казала яго дачка. Таксама ў верасьні Кастусёў перанёс каронавірус.

Нядаўна стала вядома, што на маёмасць Рыгора Кастусёва наклалі арышт. У спіс увайшлі дзве кватэры — сямʼі і бабулі, лецішча і машына.