Санкцыі: Літоўскія мытнікі не прапусцілі запчасткі да «БелАЗаў», якія везлі з Беларусі ў Боснію

Кошт грузу складаў звыш 214 тысяч еўра.

Літва вярнула ў Беларусь запчасткі да «БелАЗаў» з-за санкцый Еўрасаюза. 15 тон запчастак павінны былі быць дастаўлены ў Боснію і Герцагавіну. Кошт грузу склаў больш за 214 тысяч еўра, паведамляе літоўская мытня.

У верасні гэтага года адбыўся аналагічны выпадак. Літва не прапусціла самазвалы «БелАЗ», якія павінны былі адправіцца ў Чылі.

Нагадаем, «БелАЗ» быў уключаны ў чацвёрты санкцыйны пакет Еўрасаюза.

Паводле reform.by.