Сілавікі затрымалі сірату за палітычныя тыктокі

Хлопца клічуць Андрэй Багадзяж, яму 23 гады. Ён вёў Тыкток, але назва і колькасць ягоных падпісантаў нявядомыя. З відэа сілавікоў вынікае, што ў відэа ён дэманстраваў цішотку з «Пагоняй» і нейкі пратэсны кантэнт, паведамляе найстарэйшае беларускае выданне (прызнанае «экстрэмісцкім»).

photo_2022_05_31_17_32_51.jpg

Хлопец — сірата. Ён гадаваўся ў адной з SOS-дзіцячых вёсак: гэта дзіцячы дом сямейнага тыпу. На відэа, апублікаваным на праўладных каналах, хлопец вельмі напужаны. Сілавікі змушаюць яго «каяцца» і сказаць «працуйце, браты».