Сёння Марыю Калеснікаву здымала група дзяржаўнага тэлебачання

Грамадства

Пра гэта распавяла прэс-служба Віктара Бабарыкі. Адзначаецца таксама, што Марыя згоды на здымкі не давала.

755978166459138_1_1.jpg

Сёння палітзняволеную Марыю Калеснікаву здымала здымачная група дзяржаўнага тэлебачання. Пры гэтым згоды на гэта Марыя не давала. Дзе, пры якіх абставінах і з якой мэтай адбыўся працэс здымкі, не паведамляецца.

Марыю Калеснікаву затрымалі 7 верасня. Яе абвінавачваюць па трох артыкулах Крымінальнага кодэкса:

ч. 3 арт. 361 («Заклікі да дзеянняў супраць нацбяспекі»);

арт. 357 («Змова з мэтай захопу дзяржаўнай улады неканстытуцыйным шляхам»);

арт. 361-1 («Стварэнне экстрэмісцкага фарміравання і кіраванне ім»).

Марыі Калеснікавай пагражае да 12 гадоў турмы, зараз яна знаёміцца з матэрыяламі крымінальнай справы.