Сталі вядомыя падрабязнасці затрымання мастака Дзмітрыя Падрэза

Дзмітрыя затрымалі 15 ліпеня 2021 года.

Палітзняволенага айцішніка і стрыт-арт мастака (вядомага як Дзіма Dream) Дзмітрыя Падрэза паўтары месяцы таму асудзілі ў закрытым рэжыме да сямі гадоў зняволення за перадачу дадзеных сілавікоў тэлеграм-каналу «Чорная кніга Беларусі».
Дзмітрыя затрымалі 15 ліпеня мінулага году — тады сілавікі на вяроўках праз вакно ўварваліся ў кватэру айцішніка. Праваабаронцам ад яго былога сукамерніка стала вядома пра збіццё і здзекі з боку супрацоўнікаў ГУБАЗіКа над палітвязнем падчас затрымання.
«У хатняй бібліятэцы знайшлі руска-польскі размоўнік. Губазавец Асташка ўдарыў размоўнікам па твары са словамі: «Ты што, бл***, не патрыёт?»