Журналіста Ігара Казмерчака падазраюць у абразе беларускага кіраўніка

Аршанскага праваабаронцу і журналіста Ігара Казмерчака падазраюць у абразе Лукашэнкі

Праваабаронца і журналіст з Оршы Ігар Казмярчак даведаўся, што на яго завялі крымінальную справу паводле ч.1 артыкула 368 Крымінальнага кодэкса — за абразу Лукашэнкі, паведамляюць праваабаронцы.

«Цікава тое, што завялі справу 1 красавіка — у дзень дурня. Ці то мяне так павіншавалі. Думаў нешта арыгінальнае прыдумаюць, бо раней ужо заводзілі за распаўсюд парнаграфіі, фальшываманетніцтва і нясплату падаткаў», — каментуе Ігар Казмярчак дзеянні аршанскіх следчых.